TOShKENT, 14 noya – Sputnik. “Rosatom” amalga oshirayotgan O‘zbekistondagi atom elektr stansiyasi (AES) qurilishi loyihasida 13 ming nafarga yaqin ishchi, jumladan, 3 ming nafar rossiyalik mutaxassislar ishtirok etadi. Bu haqda "Atomstroyeksport" AJ (“Rosatom” injiniring divizioni) vitse-prezidenti Pavel Bezrukov ma’lum qildi, deya xabar qildi Sputnik muxbiri.
“Tushunish uchun, eng avjida maydonda 13 ming nafarga yaqin ishchi ishlaydi. Shulardan faqat 3 ming nafarga yaqini – bu rossiyalik xodimlar bo‘ladi. Qolgan barchasi o‘zbekistonlik xodimlar va ishchilar bo‘ladi”, - dedi u Toshkentdagi ikki davlat ittifoqchiligining 20-yilligiga bag‘ishlangan davra suhbati chog‘ida.
Bezrukovning so‘zlariga ko‘ra, hozir maydonda qurilish-montaj bazasi va mutaxassislar uchun maxsus shaharcha barpo etilmoqda. Shu bilan birga, ikki reaktor bloki uchun xandaq qazish ishlari boshlangan.
Jizzax viloyatining Forish tumanida O‘zbekistondagi ilk atom elektr stansiyasi qurilishi kechmoqda. U 525 gektar maydonni egallaydi. Loyihaning bosh pudratchisi “Rosatom” bo‘lib, qurilish subpudratchisi sifatida mahalliy “Enter Engineering” kompaniyasi jalb qilingan.
O‘zbekistonda qurilayotgan AES loyihasi noyob hisoblanadi. U 1000 MVt va 55 MVt lik ikkita kichik va katta quvvatli reaktorni - 3+ avlod VVER-1000 va RITM-200N ni birlashtiradi. 2035-yilga kelib, AES 15 milliard kVt/soatdan ortiq elektr energiyasi ishlab chiqarishi kutilmoqda.
Mavzuga oid: