TOShKENT, 5 noya – Sputnik. Yevropaning harbiylashuvi o‘sib bormoqda va uning Sharqdagi raqiblariga qarshi bosqinchilik harakatlari tobora ko‘proq sinab ko‘rilmoqda. Bu haqda Rossiya Xavfsizlik kengashi kotibi Sergey Shoygu MDH mamlakatlari xavfsizlik kengashlari kotiblarining XIII uchrashuvi doirasida ma’lum qildi, deya yozadi RIA Novosti.
Shoyguning asosiy bayonotlari:
G‘arb mamlakatlari, Kiyev rejimi o‘zining terrorchilik mohiyatini qayta-qayta tasdiqlayotganiga qaramay, uni faol qo‘llab-quvvatlashni davom ettirmoqda;
G‘arb davlatlarining bevosita yordami bilan Moldovada prezidentlik va parlament saylovlari soxtalashtirilgan, o‘shanda Rossiyada istiqomat qiluvchi ushbu mamlakat fuqarolari, aslida, ovoz berish huquqidan mahrum qilingan;
Shoygu, shuningdek, Gruziya vaziyatiga e’tibor qaratdi. Uning aytishicha, u yerda mahalliy hokimiyatlarga ko‘ra, G‘arb mamlakatlari mamlakat ichki ishlariga ochiqcha aralashayotgani va hatto davlat to‘ntarishiga urinishlar darajasigacha borgan holatlar kuzatilgan.
Moskvadagi ushbu uchrashuv doirasida MDH hududida xavfsizlikka tahdidlar, ularga qarshi yagona choralar, gumanitar hamkorlik va G‘arbning mafkuraviy ekspansiyasiga qarshi turish masalalari muhokama qilinmoqda.
Tadbirda O‘zbekiston, Rossiya, Ozarbayjon, Armaniston, Belarus, Qozog‘iston, Qirg‘iziston va Tojikiston xavfsizlik kengashi kotiblari, shuningdek, Turkmaniston va Moldova vakillari hamda MDH va KXShT rahbariyati ishtirok etmoqda.