TOShKENT, 9 okt – Sputnik. Yer fanlari bo‘yicha yetakchi olim va mutaxassislar Rossiyaning Stavropol o‘lkasidagi Shimoliy Kavkaz federal universitetida o‘tayotgan xalqaro ilmiy konferensiyada atmosfera fizikasi, iqlimshunoslik va atrof-muhit monitoringi masalalarini muhokama qilmoqda.
Rossiya, Germaniya, Abxaziya va O‘zbekiston oliy o‘quv yurtlari va ilmiy tashkilotlaridan yuzga yaqin olimlar tadqiqot natijalari bilan almashish va iqlim o‘zgarishini o‘rganish va prognoz qilishning zamonaviy yondashuvlarini muhokama qilish uchun yig‘ilishdi.
Konferensiyaning asosiy mavzulari quyidagilardan iborat:
atmosfera fizikasi, iqlimshunoslik va ekologiya;
yirik miqyosli atmosfera sirkulyatsiyasini matematik modellashtirish;
bulutlar fizikasi va gidrometeorologik jarayonlarga faol ta’sir ko‘rsatish usullari; - iqlim dinamikasi hamda iqlim o‘zgarishlarining atrof-muhit va ijtimoiy-iqtisodiy sohalarga ta’siri.
Atmosferani masofadan zondlash usullari va gidrometeorologik prognozlar uslublarini takomillashtirishga alohida e’tibor qaratildi.
Konferensiya ishtirokchilari atmosfera fizikasi, iqlimshunoslik va atrof-muhit monitoringi sohasidagi o‘quv va tadqiqot dasturlarini takomillashtirish bo‘yicha amaliy tavsiyalar ishlab chiqishi kutilmoqda.
Konferensiya Rossiya Federatsiyasi Fan va oliy ta’lim vazirligi ko‘magida o‘tkazilmoqda.