TOShKENT, 3 okt — Sputnik. 7 oktabr kuni soat 15:00 da Rus uyida Rossiya Federatsiyasi Fan va oliy ta’lim vazirligi, Rossiya Tashqi ishlar vazirligi va "Nauka.RF" portali ko‘magida A.S. Pushkin nomidagi Davlat rus tili instituti tomonidan tashkil etilgan "Kelajak olimlari" xalqaro loyihasi doirasida rossiyalik olimlar, Rossiya Fanlar akademiyasi professorlari, tadqiqotchilar va ilmiy arboblarning ochiq ma’ruzalari bo‘lib o‘tadi.
Taklif etilgan ma’ruzachilar orasida:
Yevgeniya Pushina - biologiya fanlari doktori, Rossiya Fanlar akademiyasi professori, hujayra differensiatsiyasi laboratoriyasi mudiri. Ma’ruza mavzusi: neyrofiziologiya va miya funksiyalarini tiklash sohasidagi eng so‘nggi biotibbiyot tadqiqotlari.
Andrey Konstantinov - ilmiy jurnalist, muharrir va fan targ‘ibotchisi. U o‘z ma’ruzasi doirasida sun’iy intellekt va genetika o‘tmishning tarixiy manzarasini tiklashga qanday yordam berayotgani haqida so‘zlab beradi.
Yelena Dergachova - falsafa fanlari doktori, Rossiya Fanlar akademiyasi professori, Fanlararo ilmiy maktab rahbari. Texnologik taraqqiyot sharoitida biologik olamning o‘zgarishi va uning insonga ta’siri haqida falsafiy nuqtayi nazarni taqdim etadi.
Rossiyskie uchonie provedut leksii dlya molodoji Uzbekistana
© Press-slujba Predstavitelstva Rossotrudnichestva v RUz
Ishtirok etish uchun talabalar, aspirantlar, yosh olimlar, o‘qituvchilar va Rossiya fanining zamonaviy yutuqlariga qiziquvchilar taklif etiladi.
Ro‘yxatdan o‘tish soat 14:30 da.
Boshlanish vaqti soat 15:00.
Manzil: Toshkentdagi Rus uyi (Yunus Rajabiy ko‘chasi, 63-uy)
Ishtirok etish uchun quyidagi havola orqali shaklni to‘ldirishingiz kerak
️Barcha ishtirokchilarga A.S. Pushkin nomidagi Davlat rus tili instituti tomonidan sertifikatlar topshiriladi.