TOShKENT, 27 sen — Sputnik. "Rossiya temir yo‘llari" (RJD) Toshkent o‘quv muassasalariga jihozlar sovg‘a qildi.
Ushbu tashabbus Rossiya temir yo‘llarining xorijda gumanitar salohiyatni rivojlantirish konsepsiyasi doirasida amalga oshirilib u o‘rta, kasb-hunar va oliy ta’lim muassasalarini moddiy-texnik jihatdan qo‘llab-quvvatlaydi.
"2023 va 2024-yillarda nafaqat O‘zbekiston, balki Qirg‘iziston, Qozog‘iston, Turkmaniston, Mo‘g‘ulistonning ta’lim muassasalariga o‘quv va laboratoriya jihozlari, kompyuter texnikasi, darsliklar, elektron o‘quv qo‘llanmalari, jumladan, zamonaviy virtual reallik tizimi katta miqdorda yetkazib berildi", – dedi “Rossiya temir yo‘llari” aksiyadorlik jamiyatining O‘zbekiston Respublikasidagi bosh vakili Bahodur Urdashev.
Toshkent shahridagi 180-sonli ixtisoslashtirilgan umumiy o‘rta ta’lim maktabiga akustika jihozlari va miksher topshirildi. Oldinroq RJD ushbu maktabga 10 ta interfaol doska, elektron proyektor va musiqa asbob-uskunalari yetkazib berilgan edi.
Shu kuni Toshkent transport kollejiga ham monitor va aksessuarlari bilan jihozlangan kompyuter, mobil interaktiv panel, VR garnitura, maxsus o‘quv dasturlari topshirildi.
Kollejda, shuningdek, Rossiya temir yo‘llari sovg‘asi bo‘lgan o‘quv va laboratoriya jihozlari, o‘lchash asboblari va yo‘l asboblari to‘plami mavjud.
Kollejda, shuningdek, Rossiya temir yo‘llari sovg‘asi bo‘lgan o‘quv va laboratoriya jihozlari, o‘lchash asboblari va yo‘l asboblari to‘plami mavjud.