TOShKENT, 23 sen — Sputnik. Prezident Shavkat Mirziyoyev Nyu-York shahrida "Air Products" kompaniyasi bosh ijrochi direktori Eduardo Menezes bilan uchrashdi. Bu haqda prezident matbuot xizmati xabar berdi.
"Air Products" sanoat gazlarini ishlab chiqarish va yetkazib berishga ixtisoslashgan. Kompaniyaning bozor kapitallashuvi 63 milliard AQSh dollaridan ortiq. Har yili dunyoning 50 dan ortiq mamlakatida 200 million tonna sanoat gazlarini ishlab chiqaradi hamda 750 ga yaqin ishlab chiqarish obyektlarini boshqaradi.
O‘zbekistonda yuqori texnologik sanoat korxonalarini tashkil etishga faol sarmoya kiritayotgan yetakchi xalqaro kompaniyalardan biri bilan o‘zaro manfaatli hamkorlikni yanada kengaytirishning amaliy jihatlari ko‘rib chiqildi.
Ayni paytda kompaniyaning mamlakatimizga investitsiyalari 1 milliard dollardan oshdi. "GTL" zavodida sanoat gazlarini qayta ishlash, Farg‘ona neftni qayta ishlash zavodida vodorod, "Navoiyzot"da suyuq karbonat angidrid ishlab chiqarish, Shokli muzlatish markazini tashkil etish kabi loyihalar amalga oshirildi.
Prezident Uzbekistana vstretilsya s generalnim direktorom "Air Products"
© Press-slujba prezidenta Uzbekistana
Buxoroda gaz-kimyo majmuasini barpo etish, ko‘mirni gazlashtirish, ekologik toza aviatsiya yoqilg‘isi ishlab chiqarish loyihalarini jadallashtirish bo‘yicha kelishuvlarga erishildi.
Uchrashuv yakunida kooperatsiya loyihalarini ilgari surish bo‘yicha "yo‘l xaritasi"ni qabul qilishga kelishildi.