TOShKENT, 22 sen — Sputnik. "Oktabr" kino markazida "Budem jit" XIV Moskva xalqaro kinofestivalining tantanali ochilish marosimi bo‘lib o‘tdi, deb xabar bermoqda RIA Novosti.
2025 yilda festival Vatan himoyachilari yili va Buyuk G‘alabaning 80-yilligiga bag‘ishlangan bo‘lib, 28-sentabrgacha davom etadi.
Kinoko‘rik dasturiga zamonaviy rus va xorij rejissorlarining asarlari kiritilgan. Festivalda ishtirok etish uchun 36 mamlakatdan 800 dan ortiq ariza kelib tushdi, ulardan tanlov dasturiga 9 mamlakat, jumladan, Rossiya, O‘zbekiston, Hindiston, Qozog‘iston, Bolgariya, Armaniston, AQSh va Xitoydan 39 ta film tanlab olindi.
Kino namoyishining asosiy mavzusi motivatsion kino bo‘ldi. Festival tadbirlari "Oktabr," "Sinema Park Mosfilm" kinoteatrlari, "Eldar" kinomarkazi, S.A. Gerasimov nomidagi Butunrossiya davlat kinematografiya instituti, Kichik Ordinkadagi teatr va Zamonaviy san’at instituti art-markazida bo‘lib o‘tadi.