TOShKENT, 12 sen – Sputnik. Mustaqil Davlatlar Hamdo‘stligi (MDH) davlatlari filmlari namoyish etiladigan dastlabki "do‘stlik kinozallari" Dog‘iston va O‘zbekistonda ochiladi. Bu haqda XI Sankt-Peterburg xalqaro forumi doirasidagi "Kino madaniyatlar muloqoti sifatida: MDH bugun va ertaga" sessiyasida Kino jamg‘armasi ijrochi direktori Fodor Sosnov ma’lum qildi.
"Do‘stlik kinozallari deb ataladigan dastlabki kinozallar Dog‘iston va O‘zbekistonda ochiladi. Ushbu kinozallarga ajratilgan ekran vaqti doirasida Hamdo‘stlik hududlaridagi kinematografiyamiz namoyish etiladi", - dedi u.
Xabar berilishicha, forum doirasida hali badiiy filmlarni muhokama qilish hamda 400 dan ortiq mutaxassis fikri bilan batafsil tanishish rejalashtirilgan.
Sosnov filmlarni targ‘ib qilishning ahamiyatini ham ta’kidladi.
"Mavjud resurslarga kontent joylashtirishning o‘zi yetarli emas. Bu marketing, harakat, nimalar chiqayotgani haqida xabar berish, doimiy axborot kun tartibini saqlab turish imkoniyatidir", - deya qo‘shimcha qildi u.
Forum 2012-yildan buyon o‘tkazib kelinmoqda. Rossiya Federatsiyasi prezidenti Vladimir Putin uning ishida bir necha bor ishtirok etgan.