TOShKENT, 5 sen – Sputnik. O‘zbekistonlik 18 yoshli yo‘lovchi Olmaota aeroportida noo‘rin hazil qildi va jarimaga tortildi, deb xabar berdi Qozog‘iston transport politsiyasi departamenti.
Hodisa 2-sentabr kuni sodir bo‘lgan. Xalqaro parvozlarni ro‘yxatdan o‘tkazish peshtaxtasida bu yigit hazillashib, bagajida atom bombasi borligini aytgan.
"Chet el fuqarosi mayda bezorilik uchun javobgarlikka tortildi va unga 20 AYeK (oylik hisoblangan ko‘rsatkichlar), ya’ni 78 640 tenge miqdorida jarima solindi", - deyiladi politsiya xabarida.