TOShKENT, 26 avg — Sputnik. Toshkent shahridagi “Alpomish” sport saroyida gandbol bo‘yicha U19 yosh toifasida qizlar jamoalari o‘rtasida o‘tayotgan Osiyo chempionati guruh bosqichi so‘nggi, 4-tur doirasida O‘zbekiston terma jamoasi Xitoyga qarshi maydonga tushdi.
Qizg‘in kurashda xitoyliklar 29:25 hisobida g‘alaba qozonishdi. Shu tariqa Xitoy “A” guruhida 1-o‘rinni, O‘zbekiston esa 2-o‘rinni egalladi.
O‘zbekiston qizlar terma jamoasi avvalgi uch turda zafar quchib, yarim finalga yo‘llanma olgan edi. Reglamentga ko‘ra, yarim finalga chiqqan 4 jamoa jahon chempionatiga yo‘llanma qo‘lga kiritadi.
Natijada, ham Xitoy, ham O‘zbekiston qizlar terma jamoasi kelasi yili bo‘lib o‘tadigan jahon chempionatida ishtirok etish huquqini qo‘lga kiritdi.