TOShKENT, 16 avg – Sputnik. 11-15 avgust kunlari “Rossiya segodnya” media guruhi ofisida MDH mamlakatlari jurnalistlari uchun “SputnikPro na Zubovskom” dasturining o‘n birinchi moduli bo‘lib o‘tdi.
Agentlikning yetakchi xodimlari zamonaviy ommaviy axborot vositalarini rivojlantirishning asosiy yo‘nalishlari bo‘yicha mahorat darslari va amaliy mashg‘ulotlar o‘tkazishdi: ijtimoiy tarmoqlarda axborot kontentini ishlab chiqish va targ‘ib qilish, virtual studiyada suratga olish, chat-botlar va media ishidagi boshqa axborot texnologiyalari vositalari. Jurnalistlarning “qaynoq” nuqtalarda ishlashi haqida ham suhbat bo‘lib o‘tdi.
V Moskve proshel noviy modul programmi "SputnikPro na Zubovskom"
© Sputnik
Deyarli har bir ma’ruzachi o‘z uchrashuvlarida bugungi kunda jurnalist va ommaviy axborot vositalarining tezkor javob berishlari va yangi voqelikka moslashishlari muhimligini ta’kidlashdi, chunki auditoriyaning e’tibori qisqa muddatli va tez o‘zgarib turadi. Axborot mazmuni bilan ishlash ham ushbu tendensiyadan orqada qolmasligi kerak.
V Moskve proshel noviy modul programmi "SputnikPro na Zubovskom"
© Sputnik
Ishtirokchilar olingan bilimlarni darhol amaliy o‘yin doirasida mualliflik Telegram-kanalini yaratish va targ‘ib qilishda qo‘llashdi. Har bir jamoa kanalning konsepsiyasi, mavzusini ishlab chiqdi, materiallar joylashtirdi va iloji boricha targ‘ib qilishga, obunachilarni ko‘paytirishga harakat qildi.
Treningning so‘nggi kunida ishtirokchilar o‘z kanallarini taqdim etishdi va Sputnik mutaxassislaridan bu boradagi batafsil professional tushuntirishlariga ega bo‘lishdi.
Ko‘pchilik uchun ushbu loyiha ishi bugungi kunda mediada eng ko‘p talab qilinadigan — Telegram-kanal muharriri o‘rnida o‘zini sinab ko‘rish uchun birinchi imkoniyat bo‘ldi.
Dasturda Armaniston, Belarus, Qozog‘iston, Qirg‘iziston, O‘zbekiston va Tojikiston jurnalistlari ishtirok etdi.
“O‘ylagimdan ham foydaliroq va qiziqarli bo‘lib chiqdi. Biz bu kursda nafaqat nazariy, balki amaliy bilimlarni ham oldik. Ishonchim komilki, bu bilimlardan kelajakda albatta foydalanamiz”, - deya o‘z taassurotlari bilan o‘rtoqlashdi o‘zbekistonlik Temurbek Sultonov.
Bunday dasturlarning muhim qismi shundan iboratki, ishtirokchilar Moskvada nafaqat yangi bilimlarni, balki qo‘shni mamlakatlardan loyiha bo‘yicha professional aloqalar va hamkasblar do‘stlarini ham olishadi
"Moskva va "SputnikPro na Zubovskom" loyihasi bizni birlashtirdi va do‘stlashtirdi, bu yerda olgan bilimlarimiz kasbimiz uchun yangi turtki bo‘ladi", - deya ta’kidlashdi ishtirokchilar.