TOShKENT, 15 avg – Sputnik. Prezident Shavkat Mirziyoyev 14-avgust kuni chiqindilarni qayta ishlashni kengaytirish chora-tadbirlari bo‘yicha taqdimot bilan tanishdi. Bu haqda prezident matbuot xizmati xabar berdi.
Oxirgi uch yilda barcha manbalardan 2 trillion so‘mdan ziyod mablag‘ yo‘naltirildi, o‘tgan yili Chiqindilarni boshqarish va sirkulyar iqtisodiyotni rivojlantirish agentligi tashkil etildi.
Chiqindi korxonalari uchun 1 ming 200 ta yangi texnika olib berildi, mahallalarda chiqindi maydonchalari qurildi va tarmoq ikkilamchi xomashyo manbaiga aylandi
Mamlakatda yiliga 14 million tonna maishiy chiqindi hosil bo‘ladi, ammo ularni qayta ishlash endi 5 foizga yetdi.
Prezident Shavkat Mirziyoyev oznakomilsya s prezentatsiyey o merax po rasshireniyu pererabotki otxodov
© Press-slujba prezidenta Uzbekistana
Chiqindini yoqish orqali energiya ishlab chiqarish loyihalari qo‘llab-quvvatlanmoqda. Xitoylik investorlar 6 ta viloyatda shunday zavodlar qurayapti. Toshkentda tibbiyot chiqindisini yoqib issiqlik oladigan 2 ta korxona ishga tushirildi, Samarqandda 2 ta, qolgan hududlarda bittadan shunday zavod qurilishi mo‘ljallangan.
Maishiy chiqindilarning to‘rtdan biri qog‘oz, plastik, rezina, shisha va to‘qimachilik qoldiqlariga to‘g‘ri keladi, ularni qayta ishlab 1 trillion so‘mlik mahsulot olish mumkinligi, shuningdek, qayta ishlanmaydigan qurilish, kimyo, elektron, texnik va sanoat moylari bo‘yicha katta zaxira mavjudligi aytib o‘tildi
Chiqindini tashib ketish xizmatlari aholini rozi qiladigan darajada bo‘lishi uchun mahallaga chiqindi texnikasining kelish vaqti va harakatini onlayn ko‘rish imkoniyatini yaratish vazifasi qo‘yildi.
Ijtimoiy muassasalar va mahallalarni chiqindi konteynerlari bilan to‘liq ta’minlash bo‘yicha ikki yillik dastur ishlab chiqilishi belgilandi. Aholida ekologik madaniyatni bog‘cha va maktabdan boshlab shakllantirish muhimligi ta’kidlandi.