TOShKENT, 10 avg – Sputnik. Yevroosiyo iqtisodiy komissiyasi (YeIK) shtab-kvartirasida bo‘lib o‘tgan ixtisoslashtirilgan davra suhbatida milliy qishloq xo‘jaligi idoralari mutaxassislari Yevroosiyo iqtisodiy ittifoqi (YeOII) mamlakatlarida qishloq xo‘jaligini davlat tomonidan qo‘llab-quvvatlash vositalarini ishlab chiqish bo‘yicha o‘z tajribalari bilan o‘rtoqlashdi. Bu haqda YeIK matbuot xizmati xabar berdi.
Muhokamada, xususan, qishloq xo‘jaligini imtiyozli kreditlash va lizing mexanizmlari, kichik va o‘rta biznesni qo‘llab-quvvatlash, budjetdan ajratilayotgan mablag‘lardan samarali foydalanish masalalariga alohida e’tibor qaratildi.
“Qishloq xo‘jaligini davlat tomonidan qo‘llab-quvvatlash shunchaki moliyaviy yordam vositasi emas, balki barqaror, raqobatbardosh va texnologik rivojlangan sanoatni shakllantirishning strategik mexanizmidir”, - dedi Yevroosiyo iqtisodiy komissiyasining Agrosanoat siyosati departamenti direktori Naira Karapetan.
Ishtirokchilar muhokama qilingan mavzularning dolzarbligini, bu borada muntazam tajriba almashish muhimligini ta’kidladilar.