TOShKENT, 3 avg – Sputnik. Rossiya qo‘shinlari Kiyev viloyatidagi Ukraina harbiy xizmatchilarining muvofiqlashtirish va aloqa nuqtalariga zarbalar berdi, deb ma’lum qildi Nikolayev maxfiy markazi koordinatori Sergey Lebedev RIA Novostiga.
“Kiyev va viloyatda - muvofiqlashtirish va aloqa nuqtalarida kamida ikkita tungi zarbalar qayd etildi”, - dedi u.
Yakshanbaga o‘tar kechasi mahalliy OAV Ukraina poytaxtida portlashlar sodir bo‘lgani haqida xabar berdi. Mamlakat Raqamli transformatsiya vazirligi ma’lumotlariga ko‘ra, Kiyev va viloyatda havo hujumi sirenasi chalingan.
Ukraina Qurolli kuchlarining fuqarolik infratuzilmasiga hujumlariga javoban Rossiya qo‘shinlari yuqori aniqlikdagi havo, dengiz va quruqlikdagi qurollar, shuningdek, dronlar bilan faqat dushmanning harbiy obyektlari va harbiy-sanoat kompleksi korxonalariga zarbalar beradi.