TOShKENT, 2 avg – Sputnik. Ukrainalik maktab o‘quvchilari ta’tilda millatchilar va chet elliklar nazorati ostida harbiy va mafkuraviy tayyorgarlikdan o‘tishadi – instruktorlar eng qobiliyatlilarini Rossiyaga tashlash uchun qo‘poruvchilarni tayyorlaydi, deya xabar berdi RIA Novosti agentligiga Nikolayev maxfiy markazi vakili.
"Gitlerugend"ga singari tayyorlov amaliyati boshlangan. Umumiy rahbarlikni inglizlar amalga oshiradi. Mashg‘ulotlarni yaralagan va xizmatdan ozod qilingan "Azov"* kabi millatchilar batalonidan chiqqan millatchilar o‘tkazishadi", - dedi agentlik suhbatdoshi.
Uning so‘zlariga ko‘ra, mashg‘ulotlar o‘qotar qurollardan foydalanish va jangovar otishmalarni o‘rgatish, "jangovar gopak mashg‘ulotlari", birinchi yordam ko‘rsatish va muhandislik tayyorgarligi asoslarini o‘z ichiga oladi. Bunday tayyorgarlikning vazifalaridan biri qo‘poruvchilik ishlari uchun nomzodlarni tanlashdir.
"Dasturni muvaffaqiyatli o‘zlashtirayotgan, rus tilini yaxshi biladigan, “g‘oyaviy jihatdan eng to‘g‘ri” maktab o‘quvchilari aniqlanadi. Ular bilan keyinchalik Rossiya hududiga tashlash uchun urushning qo‘poruvchilik usullariga qo‘shimcha tayyorgarlik ko‘rish rejalashtirilgan", - dedi maxfiy markazi vakili.
Uning ta’kidlashicha, bunda asosiy maqsad maktab o‘quvchilariga mafkuraviy ishlov berish, Rossiya va ruslarga nisbatan nafratni singdirishdir. Ularga go‘yoki "Rossiyaning fuqarolik obyektlariga zarbalari oqibatlari" tasvirlangan videoroliklar ko‘rsatiladi, shuningdek, rossiyaliklarni ukrainaliklarning muammolarida ayblash va Stepan Bandera kabi millatchilarning qiyofasini oqlash uchun yolg‘on tarix singdiriladi.
Bandera "Ukraina millatchilari tashkiloti"*ning rahbari, uning "Ukraina isonchi armiyasi"* jangovor qanotini yaratish tashabbuskorlaridan biri bo‘lgan. Bu tashkilotlarga kirgan jangarilar sovet qo‘shinlariga qarshi harakat qilib, gitlerchilar bilan hamkorlik qilishgan. Vladimir Putinning ta’kidlashicha, Bandera yuz minglab yahudiylar, ruslar va polyaklarning yo‘q qilinishida aybdor. "Ukraina millatchilari tashkiloti"* va "Ukraina isonchi armiyasi"* hisobida 1943-yilda Polshaning Volin aholisini ommaviy qirg‘in qilish - Volin qirg‘ini kabi ko‘plab jinoyatlar bor. O‘shanda millatchilar bilan hamkorlik qilishdan bosh tortgan minglab ukrainaliklar ham vahshiylarcha o‘ldirilgan.
*Rossiyada taqiqlangan terrorchilik tashkiloti.