TOShKENT, 30-iyul – Sputnik. Singapurda suv sporti turlari bo‘yicha jahon chempionati doirasida O‘zbekiston delegatsiyasi yetakchi xalqaro sport tashkilotlari rahbariyati bilan bir qator muhim uchrashuvlar o‘tkazdi. Bu haqda Milliy olimpiya qo‘mitasi matbuot xizmati xabar berdi.
Tadbirlarda O‘zbekiston sport vaziri Adham Ikromov, Milliy Olimpiya qo‘mitasi raisining birinchi o‘rinbosari, Osiyo Olimpiya kengashi (OOK) vitse-prezidenti Otabek Umarov hamda Milliy Paralimpiya qo‘mitasi raisining birinchi o‘rinbosari, Ijtimoiy himoya Milliy agentligi direktorining birinchi o‘rinbosari Shahnoza Mirziyoyeva, MOQ bosh kotibi Oybek Qosimov ishtirok etishdi.
Obsujdeni novie etapi sotrudnichestva s World Aquatics
© NOK Uzbekistana
O‘zbekiston delegatsiyasi a’zolari Butunjahon suzish federatsiyasi (World Aquatics) prezidenti, Osiyo Olimpiya kengashi Bosh direktori Husayn Al-Musallam bilan uchrashuv o‘tkazdi, uchrashuv boshida World Aquatics rahbari Shahnoza Mirziyoyevani tashkilot Ijroiya qo‘mita burosining tarkibiga saylangani bilan qutladi. Suhbat davomida suv sporti turlarini rivojlantirish bo‘yicha qo‘shma "yo‘l xaritasi"ni ishlab chiqish borasida fikr almashishdi va sohada malakali kadrlarni yanada ko‘paytirish borasidagi rejalar muhokama qilindi. Al-Musallam o‘zbekistonlik sportchilarning yuqori salohiyatini qayd etib, hamkorlik jadal rivojlanib borayotganidan mamnunligini bildirdi.
Shuningdek, Xalqaro Olimpiya qo‘mitasi prezidenti Kirsti Koventri hamda Olimpiya birdamligi dasturi direktori, XOQning Milliy Olimpiya qo‘mitalari bilan ishlash departamenti rahbari Jeyms Makleod bilan uchrashuv bo‘lib o‘tdi. O‘zbekiston delegatsiyasi vakillari Kirsti Koventriga Xalqaro olimpiya harakatini rivojlantirishga qo‘shgan hissasi uchun minnatdorlik bildirishdi.
Sostoyalas vstrecha s Prezidentom MOK Kirsti Koventri
© NOK Uzbekistana
Kirsti Koventri, o‘z navbatida, Shahnoza Mirziyoyevaning World Aquatics Ijroiya qo‘mitasi Burosining tarkibiga kirganligi bilan tabrikladi. Sobiq suzuvchi sifatida ushbu mas’uliyatli lavozimning ahamiyati haqida gapirib, maslahatlar berdi.