TOShKENT, 26-iyul — Sputnik. O‘zbekistonlik dzudochi Abdurahim Nutfulloyev Ulan-Bator “Katta dubulg‘a” chempioniga aylandi. Bu haqda Milliy olimpiya qo‘mitasi matbuot xizmati xabar berdi.
Kecha Mo‘g‘ulistonning Ulan-Bator shahrida dzudo bo‘yicha “Katta dubulg‘a” musobaqasi start oldi. Unda ishtirok etayotgan O‘zbekiston terma jamoasi hisobiga dastlabki kunning o‘zida oltin medal yozildi.
-66 kg vazn toifasida qatnashgan Abdurahim Nutfulloyev barcha raqiblarini mag‘lub etib, musobaqa chempioniga aylandi.
Nutfulloyev final bellashuvida Parij-2024 yozgi Olimpiya o‘yinlari sovrindori, moldovalik Denis Viyeruni mag‘lubiyatga uchratishni uddaladi.
25-27 iyul kunlari Mo‘g‘uliston poytaxtida dzudo bo‘yicha “Katta dubulg‘a” turkumiga kiruvchi musobaqa bo‘lib o‘tmoqda.