TOShKENT, 24-iyul – Sputnik. Kreml Ukraina bilan muzokaralarning uchinchi raundidan muvaffaqiyat kutmagan edi, dedi Rossiya prezidenti matbuot kotibi Dmitriy Peskov.
Kreml vakili Moskvaning Istanbuldagi uchrashuvdagi takliflarini aniq va konstruktiv deb atadi. U gumanitar mavzular to‘plami muhokamasini, shuningdek, Rossiyaning onlayn rejimda ishlash uchun guruhlar yaratish taklifini yuqori baholadi.
Peskovning qayd etishicha, Rossiya va Ukraina o‘rtasidagi ehtimoliy oliy darajadagi uchrashuv bo‘yicha muloqot muhim ishlar yakunlanganidan keyin bo‘lishi mumkin.
Moskva va Kiyev chorshanba kuni Istanbulda uchinchi uchrashuvni o‘tkazdi, u bir soatcha davom etdi. Uchrashuv yakunida Rossiya delegatsiyasi raisi Vladimir Medinskiy muzokaralarning ikkinchi raundidagi barcha gumanitar kelishuvlar bajarilganini aytdi.
Tomonlar og‘ir yaradorlar va bemorlarning tibbiy almashinuvini doimiy davom ettirishga kelishib oldilar. Rossiya Ukrainaga Ukraina Qurolli kuchlarining yana 3 ming halok bo‘lgan askarlarining jasadlarini topshirishni, shuningdek, har ikki tomondan 1200 nafardan mahbuslarni almashishni taklif qildi.