Transafg‘on temir yo‘li qurilishi 5-yil davom etishi mumkin

TOShKENT, 22-iyul – Sputnik. O‘zbekiston tomoni Transafg‘on temir yo‘li qurilishini 6 oy ichida boshlashi mumkin, loyihani amalga oshirish muddati esa 5-yilni tashkil etishi kutilyapti. Bu haqda O‘zbekiston transport vaziri o‘rinbosari Jasurbek Choriyev "O‘zbekiston 24" telekanaliga bergan intervyusida ma’lum qildi.

Choriyev loyihani mamlakatning "Xitoy — Qirg‘iziston — O‘zbekiston" temiryo‘l magistralidan keyingi "ikkinchi yirik strategik loyihasi" sifatida ta’rifladi.

Uning so‘zlariga ko‘ra, texnik-iqtisodiy asoslanish (TIA)ni ishlab chiqish bo‘yicha hadli kelishuvning imzolanishi tomonlar ancha vaqt davomida tayyorgarlik ko‘rib kelgan "birinchi va juda muhim qadam" bo‘ldi. Tomonlar o‘z sarmoyasi bilan kirib, musaffal asosni ishlab chiqishga kelishishdi.

"Hadli kelishuvni imzolash barcha tomonlarga amaliy qadamlarga o‘tish imkonini beradi. Bu — TIAni batafsil ishlab chiqish, yer va geologiyani o‘rganish, trassirovka, iqtisodiy va moliyaviy tahlil. Bu, shuningdek, loyihani nafaqat o‘zimiz, balki butun jahon hamjamiyati uchun ham ko‘rsatish va asoslash imkonini beradi", — dedi vazir o‘rinbosari.

Choriyevning so‘zlariga ko‘ra, Eron va Qora dengiz portlariga chiqish imkoniyati mavjud bo‘lishiga qaramay, O‘zbekiston uchun dengizga eng qisqa yo‘l Transafg‘on yo‘lagi hisoblanadi, u Pokistondagi Karachi portlariga olib boradi.

Birinchi bosqichda yangi temir yo‘l yiliga 3 mln tonnaga yaqin yuk tashish imkoniyatiga ega bo‘ladi. Transport vazirligi 2035−2040 yillarga borib tashish hajmi 15-20 mln tonnagacha o‘sishini prognoz qilmoqda.

Rossiya va O‘zbekiston Transafg‘on temir yo‘li loyihasi to‘g‘risida hujjat imzoladi

Vazir o‘rinbosari dastlabki ma’lumotlardan ham yuqori natijalar bo‘lishi mumkinligini ta’kidladi, chunki Transafg‘on yo‘lagi O‘zbekistonni potensial savdo bozorlari bilan bog‘lash imkoniyatini yaratadi.

“Sarmoya kiritishga va texnik-iqtisodiy asoslarni birgalikda ishlab chiqishga rozi bo‘lgan hamkorlarimiz bilan kelishuv — bu katta qadam. Shartnoma imzolangandan so‘ng, biz allaqachon fikr-mulohazalar, izohlar va telefon qo‘ng‘iroqlarini qabul qila boshladik. Hozirning o‘zidayoq nafaqat loyihaning o‘ziga, balki uni birgalikda rivojlantirishga qiziqish kuzatilmoqda. O‘ylaymanki, biz TIAni tugatganimizdan so‘ng, natijalar, kutilmalar va prognozlar bo‘yicha aniq ma’lumotlarga ega bo‘lamiz. Shunda biz ushbu loyihani jahon maydonida ilgari surishimiz va hamkorlarni jalb qilishimiz mumkin”, — dedi Choriyev.

O‘zbekiston temir yo‘l qurilishini olti oy ichida boshlashi mumkin, loyihani amalga oshirish muddati esa besh yilni tashkil etishi mumkin.

"Temir yo‘l qurilishini boshlashdan avval biz tomonlar o‘rtasida ma’lum muddatlarni belgiladik. Menimcha, bu muddatlar juda qisqa, ammo ulkan rejalarni o‘z ichiga oladi — biz olti oyni belgiladik. Odatdada bunday loyihalarni ishlab chiqishga bir-ikki yil kerak bo‘ladi. Ammo tomonlarning tezroq amalga oshirishga bo‘lgan ishonchini hisobga olgan holda jarayonni tezlashtirmoqchimiz. Shu jarayondan so‘ng TIAni boshqa davlatlarga taqdim etib, aniq prognoz va salohiyatni ko‘rsatib, qiziqishni jalb qilib, loyihani birgalikda amalga oshirish mumkin bo‘ladi", — dedi u.

Yo‘lning umumiy uzunligi 647 kilometrni tashkil etadi. 5 million ish o‘rni yaratilishi, Pokistondan O‘zbekistonga yuk tashish muddati 35 kundan 3−5 kungacha qisqarishi kutilmoqda. Dastlabki bahoga ko‘ra, loyiha qiymati 4,6 mlrd dollarni tashkil etadi.

Transafg‘on temir yo‘li Markaziy va Janubiy Osiyo uchun drayver bo‘ladi — TIV

20 May, 12:19