TOShKENT, 18-iyul - Sputnik. Vladimir Putin va Rajab Toyyib Erdo‘g‘an telefon orqali muloqot qildi, deb xabar berdi Kreml matbuot xizmati. Asosiy fikrlar:
Putin Ukraina mojarosini siyosiy va diplomatik yo‘l bilan hal qilishga tayyorligini yana bir bor tasdiqladi;
Rossiya prezidenti Istanbulda to‘g‘ridan-to‘g‘ri Rossiya-Ukraina muzokaralarini o‘tkazishga tayyorligi uchun Erdo‘g‘anga minnatdorchilik bildirdi;
Prezidentlar Yaqin Sharqdagi voqealarni, jumladan Suriyadagi vaziyatning keskinlashuvini muhokama qildilar;
Ular o‘zaro muloqot va milliy konsensusni mustahkamlash asosida Suriyada vaziyatni tezda barqarorlashtirish muhimligini ta’kidladilar;
Yakshanba kuni qurolli to‘dalar Suriya janubidagi Suvayda viloyatidagi druzlar yashaydigan aholi punktlariga hujum qildi. Chorshanba kuni Suriya Ichki ishlar vazirligi SAR qurolli kuchlari va qurolli guruhlar o‘rtasidagi jangovar harakatlarni to‘xtatish bo‘yicha kelishuvga erishilganini ma’lum qildi. Shu kuni Arab Respublikasi Mudofaa vazirligi kuchlari u yerda joylashgan xavfsizlik kuchlarini shahardan olib chiqishni boshladi.
Putin va Erdo‘g‘an barcha masalalarda aloqani davom ettirishga kelishib oldilar.
Hafta boshida matbuot kotibi Dmitriy Peskov Rossiya muzokaralarning uchinchi raundiga tayyor ekanligini, lekin Kiyevdan hali hech qanday taklif kelib tushmaganini ta’kidalagan edi.
Tomonlar Istanbulda ikki uchrashuv o‘tkazdi. Ularning natijasi asirlar almashinuvi bo‘ldi, Ukraina Qurolli Kuchlarining halok bo‘lgan harbiy xizmatchilarining jasadlari Ukrainaga topshirildi. Moskva va Kiyev, shuningdek, mojaroni hal qilish bo‘yicha memorandumlar loyihalari almashdi.