Sputnik O‘zbekiston matbuot markazida O‘zbekiston Qurilish va uy-joy kommunal xo‘jaligi vazirligi boshqarma boshlig‘i o‘rinbosari Elor Komilov ishtirokida matbuot anjumani bo‘lib o‘tdi.
Anjumanda uy-joy qurilishi sohasida amalga oshirilayotgan ishlar, davlat tomonidan aholini qo‘llab-quvvatlash choralari, shuningdek “Yangi O‘zbekiston” massivlarida yaratilayotgan sharoitlar haqida ma’lumot berildi.
“Yangi O‘zbekiston" massivlarida qurilayotgan uy-joylarni ichimlik suvi, oqova tizimi, issiqlik, tabiiy gaz va elektr energiyasi bilan ta’minlash ishlari davlat tomonidan moliyalashtirilmoqda”, — deya ta’kidladi Elor Komilov.
Shuningdek, uy-joy xarid qilish jarayonida eskrou mexanizmini joriy etishda Rossiya tajribasi o‘rganilib, amaliyotga tatbiq etilmoqda. Bu orqali xaridorlar huquqlari himoya qilinishi va qurilish jarayonining shaffofligi ta’minlanadi.
Uy-joy xarid qilish uchun davlat subsidiyalarini olish imkoniyati kengaytirildi. Subsidiyalar uchun ariza topshirish tartibi, talablar va shartlar to‘g‘risida tushuntirishlar berildi.
To‘liq video: https://vkvideo.ru/video-212092007_456241682