TOShKENT, 12-iyul — Sputnik. Yevroosiyo iqtisodiy ittifoqi (YeOII) mamlakatlari sanoat kooperatsiyasini rivojlantirmoqda, deb xabar bermoqda Yevroosiyo iqtisodiy komissiyasi (YeIK) matbuot xizmati.
YeIK tegishli vaziri Goar Barsegan raisligida Yevroosiyo iqtisodiy komissiyasining sanoat bo‘yicha maslahat qo‘mitasi yig‘ilishida YeOII mamlakatlari iqtisodiyoti real sektorining bir qator dolzarb masalalari ko‘rib chiqildi.
Xususan, Komissiyaning Sanoat kooperatsiyasining asosiy yo‘nalishlarini amalga oshirish monitoringi natijalari to‘g‘risidagi hisoboti ma’qullandi hamda 2023 va 2024-yillarga, shuningdek, ikki prognoz davri – 2025 va 2026-yillarga mo‘ljallangan sanoat mahsulotlarining asosiy turlari bo‘yicha YeOII davlatlarining talab va taklifning konsolidatsiyalangan prognoz balanslari kelishildi.
Sanoatda kooperativ loyihalarni moliyaviy qo‘llab-quvvatlashning milliy oliy mexanizmini amalga oshirish masalalari muhokama qilindi.
“Qo‘mita a’zolari sanoat subsidiyalari sohasidagi ishlarni optimallashtirishning mumkin bo‘lgan mexanizmlarini va rejalashtirilgan subsidiyalar to‘g‘risida ma’lumot berish nuqtayi nazaridan YeOII to‘g‘risidagi shartnomaning ayrim qoidalarini tuzatishni muhokama qildilar”, - dedi Goar Barsegan.