TOShKENT, 8-iyul — Sputnik. Ukraina tashqi ishlar vaziri Andrey Sibiga vazirlik tuzilmasida NATO boshqarmasi va Yevropa Ittifoqi departamenti tashkil etilishini ma’lum qildi. Bu haqda RIA Novosti uning ijtimoiy tarmog‘dagi sahifasiga tayanib, xabar berdi.
Sibiga dushanba kuni tegishli farmonni imzolaganini qayd etdi.
"Ukraina tashqi ishlar vazirligining yangi tuzilmasi tasdiqlandi... Tashqi ishlar vazirligida NATOning alohida boshqarmasini tashkil etamiz... Avvalroq Yevropa Ittifoqi va NATO integratsiyasi Yevropa Ittifoqi va NATOning bitta departamentiga birlashtirilgan edi. Endi bizda Yevropa Ittifoqi departamenti va NATO boshqarmasi bo‘ladi. Departament Ukrainaning Yevropa Ittifoqiga to‘g‘ridan-to‘g‘ri qo‘shilishi ustida ish olib boradi. NATO ma’muriyati Alyansga to‘laqonli a’zo bo‘lish yo‘lidagi integratsiyamizga yangi turtki beradi", — deb yozdi Sibiga.
Uning so‘zlariga ko‘ra, Tashqi ishlar vazirligi tizimida Ukraina xalqaro xavfsizlik va mudofaa departamenti ham paydo bo‘ladi, u xorijdagi ukrainliklar masalalari bilan shug‘ullanadi.
"Bundan tashqari, endi bizda ba’zi yangi alohida boshqarmalar bo‘ladi. Masalan, do‘st bo‘lmagan mamlakatlar boshqarmasi. Bu yerga nafaqat Rossiya, balki uning (ittifoqchilari - tahr.) masalan, Shimoliy Koreya yoki Belorus ham kiradi.... Bu yerda gap ikki tomonlama munosabatlar haqida emas, balki tahdidlarga qarshi turish haqida ketmoqda”, — deya ta’kidlab o‘tgan Sibiga.
Uning qo‘shimcha qilishicha, AQSh va Kanada departamentlari Lotin Amerikasi va Karib havzasi departamentidan ajratiladi, Yaqin Sharq va Shimoliy Afrika alohida departamentga o‘tadi.