TOShKENT, 7-iyul — Sputnik. Yevroosiyo iqtisodiy ittifoqi (YeOII) mamlakatlari qishloq xo‘jaligi sifat o‘zgarishlari arafasida turibdi. Bu haqda Yevrosiyo iqtisodiy komissiyasi (YeIK) sanoat va agrosanoat kompleksi vaziri Goar Barsegan ma’lum qildi.
Goar Barsegan Volgogradda bo‘lib o‘tgan Butunrossiya dala kuni-2025 "O‘sish vazifalari: Rossiya o‘simlikshunosligi samaradorligini oshirish" yalpi majlisida nutq so‘zladi. O‘simlikshunoslikda, shu jumladan zamonaviy raqamli yechimlar - uchuvchisiz texnologiyalar, raqamli monitoring va robotlashtirish orqali samaradorlikni oshirish masalalari diqqat markazida bo‘ldi.
"Yevrosiyo iqtisodiy ittifoqi mamlakatlari qishloq xo‘jaligi sifat o‘zgarishlari arafasida turibdi. Agrar bozorni raqamli modelga aylantirish qishloq xo‘jaligi ishlab chiqarishini jadal rivojlantirish vositalaridan biridir. Aynan shu yo‘nalishda YeIK va milliy hukumatlarning sa’y-harakatlari jamlangan”, — dedi vazir.
Ishbilarmonlik dasturi doirasida Barsegan Rossiya Federatsiyasi qishloq xo‘jaligi vaziri Oksana Lut bilan uchrashdi.
Ular YeOII davlatlari o‘rtasida agrosanoat majmuasi sohasidagi savdo-iqtisodiy hamkorlikning dolzarb masalalarini ko‘rib chiqishdi. Qayd etilishicha, integratsiya jarayonlarini chuqurlashtirish va sohaning barqaror rivojlanishini ta’minlash zarur.
Tomonlar agrosanoat majmuasidagi kooperatsiya loyihalarini moliyaviy qo‘llab-quvvatlash mexanizmini ishga tushirish bo‘yicha takliflar tayyorlashga e’tibor qaratishga kelishib olishdi.
"Agrosanoat majmuasida qo‘shma kooperatsiya loyihalarini amalga oshirish ishlab chiqarilayotgan mahsulotlar hajmini oshirish, texnologik jihatdan takomillashtirish, davlatlararo savdo-iqtisodiy aloqalar va o‘zaro investitsiyalarni ko‘paytirishga xizmat qiladi", — dedi YeIK rahbari.
Goar Barsegan qishloq xo‘jaligini barqaror rivojlantirish, Ittifoq doirasida umumiy agrar bozorni tartibga solish bo‘yicha umumiy maqsadlarga erishish uchun kelishilgan harakatlar muhimligini ta’kidladi.