TOShKENT, 25-iyun — Sputnik. O‘zbekistonlik yosh yunon-rum kurashchilari Osiyo chempionatida umumjamoa hisobida birinchi bo‘lishdi, deya xabar berdi Milliy olimpiya qo‘mitasi matbuot xizmati.
Vyetnamda sport kurashlari bo‘yicha U17 yosh toifasidagi Osiyo chempionati bahslari davom etmoqda.
“Ortda qolgan yunon-rum va qizlar kurashi bo‘yicha bir qator vazn toifalarida g‘oliblar aniqlandi. Unda hamurtlarimiz 3 ta oltin, 1 tadan kumush va bronza medallariga ega chiqishdi”, — deyiladi xabarda.
G‘oliblar:
Oltin medal: -71 kg: Behruzbek Valiyev, -80 kg: Abdulaziz Xolmirzayev, -40 kg: Shohista Shonazarova;
Kumush medal: -46 kg: Mashhura Abdumusayeva;
Bronza medal: -65 kg: Husan G‘iyosiddinov.
Qayd etilishicha, musobaqada 3 ta oltin, 2 ta kumush va 5 ta bronza medallarini jamg‘argan “klassik” kurashchilar umumjamoa hisobida birinchi bo‘lishdi.