TOShKENT, 20-iyun — Sputnik. Rossiya va O‘zbekiston o‘rtasida mamlakatda yuqori quvvatli atom elektrostansiyasi qurilishi bo‘yicha asosiy shartlar to‘g‘risidagi hujjat imzolandi. Bu haqda RIA Novosti muxbiri xabar bermoqda.
Ma’lumotga ko‘ra, xujjat Peterburg xalqaro iqtisodiy forumi doirasida imzolandi.
Shuningdek, O‘zbekistonda AES qurilishi bo‘yicha rejalar o‘zgargani ma’lum qilindi.
"Rosatom" rahbari Aleksey Lixachovning Peterburg xalqaro iqtisodiy forumida ma’lum qilishicha, O‘zbekistonda ikkita kichik AES va ikkita yirik atom energetika bloki quriladi.
Uning ta’kidlashicha, bu dunyodagi eng noyob loyihalardan biri bo‘lib, turli quvvatdagi atom bloklari bir maydonda joylashadi.