TOShKENT, 29-may — Sputnik. O‘zbekiston prezidentining yordamchisi Saida Mirziyoyeva Moskvada Rossiya Federatsiyasi prezidentining yordamchisi Vladimir Medinskiy bilan uchrashdi. Bu haqda u o‘zining Telegram-kanalida ma’lum qildi.
Qayd etilishicha, uchrashuvda O‘zbekiston-Rossiya munosabatlarining muhim yo‘nalishlaridan biri bo‘lgan madaniy-gumanitar hamkorlik masalalari muhokama qilindi.
“Madaniyat, ta’lim va tarixiy merosni saqlash sohalaridagi qo‘shma tashabbuslarga alohida e’tibor qaratildi. "Yangi Quddus" muzeyida o‘zbek san’ati ko‘rgazmasining ochilishi va O‘zbekistonda Rossiya madaniyati kunlarining o‘tkazilishi xalqlarimiz o‘rtasidagi yuqori darajadagi ishonch va o‘zaro qiziqishning yorqin namunasidir”, — deb yozadi Saida Mirziyoyeva.
Eslatib o‘tamiz, 30-may kuni Moskva viloyatidagi "Yangi Quddus" muzeyida “Olamlar orasidagi nur” ko‘rgazmasi bo‘lib o‘tadi. Ko‘rgazma bu sovet muzeyining barcha qoidalariga zid ravishda shakllantirilgan ikkita betakror sara to‘plamlarni birlashtirgan ko‘p yillar davomidagi ilk xalqaro loyihadir.
Ekspozitsiyaga “Yangi Quddus" muzeyi va Saviskiy nomidagi Qoraqalpog‘iston Respublikasi san’at muzeyi kolleksiyalariga mansub 40 nafar rassomning 160 tadan ortiq rangtasvir va grafik asarlari kiradi. Ular orasida Aleksandr Volkov, Solomon Nikritin, Aleksandr Shevchenko, Kliment Redko va boshqalar bor.