TOShKENT, 12-may — Sputnik. Vladimir Zelenskiy payshanba kuni Rossiya prezidenti Vladimir Putinni Turkiyada kutishini aytdi. Bu haqda u X ijtimoiy tarmog‘idagi sahifasida ma’lum qildi, deb yozmoqda RIA Novosti.
“Putinni payshanba kuni Turkiyada kutaman”, — deb yozdi Zelenskiy.
Turkiya prezidenti ma’muriyatining RIA Novostiga ma’lum qilishicha, Vladimir Zelenskiyning 15-may kuni Ukrainadagi mojaroni hal qilish bo‘yicha muzokaralar o‘tkazish uchun respublikaga tashrif buyurishi rejalari haqida ma’lumot yo‘q.
Yakshanba kuni Rossiya prezidenti Vladimir Putin OAVga qilgan murojaati chog‘ida Ukrainaga 15-may kuni Istanbulda hech qanday shartlarsiz to‘g‘ridan-to‘g‘ri muzokaralarni davom ettirishni taklif qildi. Rossiya rahbari Kiyev rejimi tomonidan amal qiladigan haqiqiy sulhga erishishni istisno qilmasligini ta’kidladi.
Shu kuni AQSh prezidenti Donald Tramp esa Kiyev hukumatini Rossiya prezidenti Vladimir Putinning Turkiyadagi muzokaralar taklifiga “darhol” rozi bo‘lishga chaqirdi. U, shuningdek, Rossiya prezidenti Vladimir Putinning Ukraina bilan to‘g‘ridan-to‘g‘ri muzokaralar taklifi Moskva va Kiyev uchun buyuk kunni belgilab berishi mumkinligini aytdi.