Rossiya saratonga chalingan o‘zbekistonlik bolalarga qanday yordam bermoqda?

TOShKENT, 12-may — Sputnik. 12-18 may kunlari Butunjahon retinoblastoma haqida xabardorlik haftaligi bo‘lib o‘tmoqda, deb xabar beradi Sputnik O‘zbekiston muxbiri.

Ko‘z to‘r pardasidagi xavfli o‘smalar asosan bolalarda rivojlanadi. O‘zbekistonda bu kasallik haqida kam gapiriladi, biroq u bolalarda ko‘p uchraydigan xavfli ko‘z o‘smalaridan biridir.

Rossiyaning "Nastenka" xayriya fondi MDH davlatlaridan Rossiyaga davolanish uchun kelgan yosh bemorlarga yordam bermoqda. Jamg‘arma asoschisi va raisi Jamila Aliyevaning aytishicha, o‘tgan yili jamg‘arma yordam bergan o‘zbekistonlik 6 nafar bolaning uch nafari retinoblastoma bilan kurashgan.

Osnovatel i predsedatel fonda "Nastenka" Djamilya Aliyeva

“Hozirda bizda jizzaxlik ikki yoshli bola bor. U 8 oylik bo‘lganda onasi o‘g‘lining o‘ng ko‘zida g‘alati porlashni payqadi. Ko‘pincha retinoblastoma shu tarzda o‘zini namoyon qiladi. Go‘dak, afsuski, o‘ng ko‘zidan ayrilgan, ammo Moskvadagi Fodorov nomidagi ilmiy-texnika majmuasida chap ko‘zini saqlab qolish uchun zarur bo‘lgan muolajalarni olgan”, — deydi Jamila Aliyeva.

Rossiyaning mazkur xayriya jamg‘armasi nafaqat rossiyaliklarga, balki MDH davlatlaridan kelgan bolalarga ham yordam beradigan kam sonli tashkilotlardan biridir. 23-yillik faoliyat davomida 7 mingdan ortiq bola yordam oldi, ularning qariyb 40 foizi Hamdo‘stlik davlatlaridan.

“Men ko‘p millatli oilada o‘sganman, millati va fuqaroligidan qat’i nazar, barcha bolalarga yordam berishimiz kerakligiga shubha qilmasdim. Bunda meni fond jamoasining barcha a’zolari qo‘llab-quvvatlamoqda, hech birimiz bolalarni "o‘zimizniki" va "begonalar"ga ajratmaymiz, chunki bolaning hayotidan qimmatroq narsa yo‘q. Bag‘rikenglik — fondning asosiy qadriyatlaridan biri. Faoliyatining birinchi kunlaridan boshlab va shu kungacha biz nafaqat rus bolalariga, balki boshqa mamlakatlardan kelgan bolalarga ham yordam berib kelmoqdamiz va bu hamisha shunday bo‘lib qoladi”, — deydi u.

Jamg‘arma 500 nafardan ortiq o‘zbekistonlik bolalarga yordam bergan. Retinoblastomaga kelsak, so‘nggi yillarda Rossiya tibbiyoti ushbu kasallikka qarshi kurashda katta muvaffaqiyatlarga erishdi.

Rossiyskiy blagotvoritelniy fond "Nastenka"

Jamila Aliyevaning so‘zlariga ko‘ra, hozirda 90% hollarda bemorning hayotini saqlab qolish va hatto ko‘rish qobiliyatini saqlab qolish mumkin, ammo davolanishni o‘z vaqtida boshlash hali ham katta ahamiyatga ega.

Bundan tashqari, retinoblastoma holatlari mavjud bo‘lgan oilalarda kasallikni oldindan aytish mumkin bo‘ldi. Axir, bu kasallik irsiydir: bir oilada bir nechta bolalar bir vaqtning o‘zida kasal bo‘lib qolishi mumkin.

Biroq Jamila Aliyevaning ta’kidlashicha, barcha xayriya jamg‘armalari o‘z qaramog‘idagilar uchun xorijda davolanish uchun pul to‘lashga tayyor emas. Shu sababli boshqa mamlakatlardan kelgan ko‘plab bemorlar davolanish uchun boshqa davlatga kelishda qiyinchiliklarga duch kelishadi.

“MDH davlatlaridan kelgan bolalarni Rossiyada davolashni tashkil etish oson emas. Endi Telemeditsina orqali barcha shifoxonalar bilan mukammal aloqa mavjud, barcha maslahatlarni onlayn olishingiz mumkin. Kasalxonalar juda tez javob berishadi: ular bolani kasalxonaga yotqizish va hisob-kitoblarni chiqarishga rozi bo‘ladilarmi? Va bu yerda eng qiyini boshlanadi: davolanish narxi juda qimmat, to‘lovni oilalar o‘zlari ko‘tara olmaydi, — deydi Aliyeva.

Davolanish uchun pul to‘lashdan tashqari, u MDH mamlakatlaridan kelgan oilalar duch keladigan boshqa qiyinchiliklarni ham qayd etdi: parvozlar uchun to‘lov, uy-joy ijarasi, transport va ba’zan til to‘siqlari.

Rossiyskiy blagotvoritelniy fond "Nastenka"

Hozirda jamg‘arma rossiyaliklarning xayr-ehsonlari orqali yordam ko‘rsatmoqda. Boshqa mamlakatlardan pul o‘tkazish bilan bog‘liq vaziyat ko‘p hollarda Rossiyaga qarshi sanksiyalar tufayli murakkablashadi.

“O‘zbekistondan Rossiyaga pul o‘tkazish amalda mumkin emas. Rossiyaga pul o‘tkazmalarini amalga oshirishga tayyor bo‘lgan bir yoki ikkita bank bor, ammo kartadan foydalangan holda fondning veb-saytida pul o‘tkazish mumkin emas. Bu bizni MDH mamlakatlari rezidentlaridan xayriya olish imkoniyatidan butunlay mahrum qiladi”, — deydi Jamila Aliyeva.

Shuning uchun, uning so‘zlariga ko‘ra, masalan, MDH davlatlarining xayriya tashkilotlari, diasporalar, vakolatxonalar va boshqalar bilan aloqalarni o‘rnatish juda muhim - shunda ko‘proq bolalar hayotini saqlab qolish imkoniyati mavjud.

Rossiyskiy blagotvoritelniy fond "Nastenka"

“Biz hamkorlik qilishdan doimo xursandmiz va muloqot qilishga tayyormiz. Afsuski, MDH davlatlarining nodavlat notijorat tashkilotlari bilan hamkorlikni faol deb bo‘lmaydi, chunki bu jamg‘armalar odatda o‘z mamlakatlaridagi bolalarga o‘z hududida yordam beradi va Rossiyada davolanish uchun pul to‘lamaydi. Biz Rossiyadagi diasporalar bilan hamkorlik qilishdan manfaatdor bo‘lardik, ular o‘z vatandoshlariga Moskvada davolanishga yordam berishlari mumkin”, — deya qo‘imcha qildi Aliyeva.

O‘zbekistonda ko‘z kataraktasi borlarning jarrohlik amaliyoti bepul o‘tkaziladi

14 Aprel, 13:26