Chelyabinsk viloyati O‘zbekiston bilan hamkorlikni qanday rivojlantirayotgani aytildi

TOShKENT, 30 apr — Sputnik. Chelyabinsk viloyati O‘zbekiston hududlari bilan aloqalarni rivojlantirishni maqsad qilgan. Bu haqda Rossiyaning ushbu mintaqasi sanoat, yangi texnologiyalar va tabiiy resurslar vaziri Mixail Knaub Sputnik multimedia matbuot markazida ma’lum qildi.

Uning so‘zlariga ko‘ra, Toshkentdagi “INNOPROM. Markaziy Osiyo” xalqaro sanoat ko‘rgazmasida viloyatda yuk ko‘taruvchi texnikalar, asbobsozliktizimlari, buldozer va g‘altaklarni ta’mirlash uchun butlovchi qismlar, kompressor agregatlari ishlab chiqarish va boshqa ko‘plab mahsulotlar namoyish etildi.

Noyob loyihalar qatorida mamlakatning elektr energiyasi bilan ta’minlashda muammolar mavjud bo‘lgan, biroq gaz mavjud chekka hududlarini elektr energiyasi bilan ta’minlashga mo‘ljallangan blok-modulli gaz turbinali agregatlari, shuningdek, har qanday sanoat uchun zarur bo‘lgan kompressor stansiyalarini ishlab chiqarish ham bor.

“Chelyabinsk viloyati “Innoprom”da besh yildan buyon ishtirok etmoqda. Bizda Toshkentda doimiy ishlaydigan pavilon mavjud bo‘lib, unda biz ishlab chiqarayotgan mahsulotlarning doimiy taqdimoti nuqtayi nazaridan kichik va o‘rta biznes korxonalarini namoyish etamiz. Pavilonda nafaqat sanoat mahsulotlari, balki xalq iste’moli tovarlari ham namoyish etmoqdamiz”, — dedi vazir.

Mixail Knaub Chelyabinsk viloyati gubernatori hududlararo o‘zaro manfaatli munosabatlarni rivojlantirishga alohida e’tibor qaratayotganini ta’kidladi.

“Bizda uchta shartnoma mavjud: Navoiy, Buxoro va Jizzax viloyatlari bilan. Lekin biz nafaqat mintaqa bilan hamkorlik bo‘yicha shartnomalar tuzganlar bilan ishlaymiz. 2024-yilda Surxondaryo va Samarqand viloyatlaridan ikkita yirik delegatsiyani qabul qildik. Biz mutlaqo hamma bilan ishlaymiz va o‘rtamizda kelishuvlar tuzilishi shart emas”, — dedi Chelyabinsk viloyati sanoat, yangi texnologiyalar va tabiiy resurslar vaziri

Chelyabinskdagi korxona o‘zbekistonliklarni ish bilan ta’minlamoqchi

11 Mart, 15:03