TOShKENT, 27 apr — Sputnik. Prezident Shavkat Mirziyoyev IV Xalqaro baxshichilik san’ati festivali ishtirokchilariga tabrik yo‘lladi, deya xabar berdi davlat rahbari matbuot xizmati.
Xivada IV Xalqaro baxshichilik san’ati festivali o‘z ishini boshladi.
“Bugungi san’at bayramida ishtirok etayotgan nufuzli xalqaro tashkilotlar va qardosh mamlakatlar vakillariga, dunyoning qirqdan ziyod mamlakatidan kelgan xalq ijodiyoti namoyandalari, atoqli madaniyat va san’at arboblariga samimiy tashakkurim, yuksak hurmatim va ezgu tilaklarimni bildiraman. Bu o‘lkaning dostonchilik maktabi g‘oyat qadimiy va boy tarixga ega bo‘lib, “Lazgi” kabi dunyoga mashhur mumtoz kuy-qo‘shiqlari, go‘zal raqslari aynan ana shu azim darodan oziqlanib kelmoqda, desak, to‘g‘ri bo‘ladi”, — deyiladi tabrik matnida.
Aytilishicha, bu zamindan yetishib chiqqan O‘zbekiston xalq baxshilari “Bola baxshi” – Qurbonnazar Abdullayev, “Qalandar baxshi” – Ro‘zimboy Normatov, Abdulla Qurbonnazarov, Yetmishboy Abdullayevlar kuylangan “Oshiq G‘arib va Shohsanam”, “Go‘ro‘g‘li”, “Avazxon”, “Alpomish” va “Xirmondali” kabi xalq dostonlari milliy madaniyatning o‘lmas durdonalari sifatida ma’naviyat xazinasidan mustahkam joy egallagan.
Prezident o‘z tabrigida baxshichilik san’atining bugungi davomchilariga ijodiy yutuq va ravnaq, tanlov ishtirokchilari hamda festival doirasida o‘tkaziladigan xalqaro ilmiy-amaliy konferensiya ishiga muvaffaqiyat tilagan.