TOShKENT, 28 fev - Sputnik. O‘zbekiston prezidenti Shavkat Mirziyoyev Xalqaro dzudo federatsiyasi rahbari Marius Vizerga “Do‘stlik” ordenini topshirdi. Bu haqda prezident matbuot xizmati xabar berdi.
Mirziyoyev 27-fevral kuni nufuzli “Katta dubulg‘a” xalqaro turniri doirasida O‘zbekistonda bo‘lib turgan Marius Vizerni qabul qildi. Mazkur yirik sport tashkiloti bilan O‘zbekistonda dzudo maktabini rivojlantirish va ushbu yakkakurash turini ommalashtirish borasidagi samarali hamkorlikni yanada kengaytirish masalalari ko‘rib chiqildi.
Shavkat Mirziyoyev prinyal glavu Mejdunarodnoy federatsii dzudo Mariusa Vizera
© Press-slujba prezidenta Uzbekistana
Federatsiya rahbari Marius Vizer O‘zbekistonda sog‘lom turmush tarzini ommalashtirish va sportning barcha turlarini har tomonlama qo‘llab-quvvatlash, yoshlar, ayniqsa, qizlarni keng jalb etish, zamonaviy sport infratuzilmasini yaratish borasida amalga oshirilayotgan keng ko‘lamli islohotlarni yuqori baholadi.
Uchrashuvda sportchilar, murabbiylar va hakamlarni tayyorlashda federatsiyaning texnik ko‘magi va ekspert yordamini kengaytirish, iqtidorlarni saralashning samarali mexanizmini joriy qilish masalalariga alohida e’tibor qaratildi. Bundan tashqari, O‘zbekiston hududlarida dzudo bo‘yicha xalqaro musobaqalarni muntazam o‘tkazib borish taklifi bildirildi.
Shavkat Mirziyoyev prinyal glavu Mejdunarodnoy federatsii dzudo Mariusa Vizera
© Press-slujba prezidenta Uzbekistana
Uchrashuv yakunida prezident milliy dzudo maktabini rivojlantirishga qo‘shgan katta shaxsiy hissasi uchun Marius Vizerga O‘zbekistonning yuksak mukofoti – “Do‘stlik” ordenini topshirdi.