TOShKENT, 23 fev — Sputnik. O‘zbekistonlik gimnastikachi Oksana Chusovitina Germaniyaning Kotbus shahrida bo‘lib o‘tgan Jahon kubogi bosqichida bronza medalini qo‘lga kiritdi, deya xabar bermoqda O‘zbekiston MOQ matbuot xizmati.
“O‘zbek va jahon gimnastikasi afsonasi Oksana Chusovitina navbatdagi ajoyib natijani qayd etdi. Hamurtimiz Kotbus (Germaniya) shahrida o‘tkazilgan jahon chempionati bosqichida bronza medalini qo‘lga kiritdi, — deyiladi xabarda.
Tayanib sakrash bahslarida qatnashgan sportchi 13,249 ball to‘plagan holda 3-o‘rinni egalladi. Sloveniyalik Tei Belak oltin medalni qo‘lga kiritdi (13,299), uning hamurti Tyasa Kisselef ikkinchi (13,266) bo‘ldi.
Malumot uchun, 49 yoshli Chusovitina jamoaviy bahslarda 1992-yilgi Olimpiya chempioni va uch karra jahon chempioni. U ketma-ket sakkiz marta Yozgi Olimpiya o‘yinlarida (1992, 1996, 2000, 2004, 2008, 2012, 2016, 2020) qatnashgan dunyodagi yagona gimnastikachi sifatida Ginnesning rekordlar kitobiga kirdi.
