TOShKENT, 9 fev — Sputnik. Rus tili, Rossiya tarixi va qonunchiligiga oid imtihonlarni o‘tkazish va sertifikat berish tizimi O‘zbekistonda yo‘lga qo‘yiladi. Bu haqda Migratsiya agentligi mas’ullarining Qozon Federal universiteti rahbariyati bilan uchrashuvi davomida ma’lum qilindi.
Qayd etilishicha, uchrashuvda rus tili, Rossiya tarixi va qonunchiligiga oid imtihonlarni o‘tkazish va sertifikat berish tizimini Qozon Davlat universiteti bilan hamkorlikda O‘zbekistonda yo‘lga qo‘yish masalasi muhokama qilindi.
“Markazning O‘zbekistonda faoliyat yuritishi Rossiyada ishlash huquqini beruvchi ruhsatnoma (patent) rasmiylashtirishda talab qilinadigan sertifikat olish jarayonlarini sezilarli tarzda yengillashtiradi, xarajatlar kamayadi, hamurtlarimiz uchun ortiqcha ovoragarchiliklar oldi olinadi”, — deyiladi xabarda.
