TOShKENT, 5 fev — Sputnik. Kuala-Lumpur shahrida bo‘lib o‘tgan samarali muzokaralar yakunida O‘zbekiston va Malayziya o‘rtasida qo‘shma bayonot imzolandi, deya xabar berdi O‘zbekiston rahbari matbuot xizmati.
“Kuala-Lumpur shahrida bo‘lib o‘tgan samarali muzokaralar yakunida O‘zbekiston Respublikasi Prezidenti Shavkat Mirziyoyev va Malayziya Bosh vaziri Anvar Ibrohim Strategik sheriklik yo‘lida ikki tomonlama hamkorlikni chuqurlashtirish to‘g‘risida qo‘shma bayonot imzoladilar”, — deyiladi xabarda.
Shuningdek, quyidagi hujjatlar qabul qilindi:
1.
Mahsulotlarning "halol" standartlariga muvofiqligini baholash sohasida hamkorlik to‘g‘risida bitim;2.
Bojxona ishida hamkorlik va o‘zaro yordam to‘g‘risida bitim;3.
Oliy ta’lim sohasida hamkorlik to‘g‘risida bitim;4.
Sog‘liqni saqlash sohasida hamkorlik to‘g‘risida bitim;5.
Madaniyat sohasida hamkorlik to‘g‘risida bitim;6.
Sud-ekspertlik faoliyati sohasida hamkorlik to‘g‘risida bitim;7.
Akademik-diplomatik hamkorlik to‘g‘risida bitim;8.
"Aqlli" shaharlarni rivojlantirish sohasida hamkorlik to‘g‘risida bayonnoma;9.
2025-2026 yillarda korrupsiyaga qarshi kurashish sohasidagi sheriklikni chuqurlashtirish bo‘yicha qo‘shma reja.