TOShKENT, 31 yanv — Sputnik. O‘zbekiston prezidenti Shavkat Mirziyoyev Vashington shahridagi Ronald Reygan nomidagi aeroport hududida yuz bergan fojiali aviahalokat oqibatida ko‘plab insonlar halok bo‘lgani munosabati bilan AQSh prezidenti Donald Trampga ta’ziya maktubi yo‘lladi. Bu haqda prezident matbuot kotibi xabar berdi.
Mirziyoyev marhumlarning oila a’zolari va yaqinlariga, butun Amerika xalqiga chuqur hamdardlik izhor etdi.
Eslatib o‘tamiz, kecha AQShda harbiy vertolot va “Bombardier CRJ700” yo‘lovchi samolyoti to‘qnashib ketdi. Qutqaruvchilar hozirgacha aviahalokatda halok bo‘lgan 40 nafar marhumning jasadini topgan.
