TOShKENT, 20 yanv — Sputnik. Eron bilan erkin savdo bitimi kuchga kirishi uchun Yevroosiyo iqtisodiy ittifoqi (YeOII) davlatlari zarur bo‘lgan jarayonlarni yakunlashdi, deya xabar berdi Yevroosiyo iqtisodiy komissiyasi (YeIK) matbuot xizmati.
“Hozirda Yevroosiyo iqtisodiy ittifoqi va Eron Islom Respublikasi o‘rtasida YeOII hududida erkin savdo to‘g‘risidagi bitim kuchga kirishi uchun zarur bo‘lgan jarayonlar yakunlandi. Ular Eronda ham yaqin orada yakunlanishini kutamiz”, — deydi YeIK savdo vaziri Andrey Slepnyov Eron prezidenti Mas’ud Pezeshkiyon va ishbilarmon doiralar o‘rtasidagi maslahat uchrashuvida.
Shu bilan birga, vazir savdo-iqtisodiy hamkorlikning o‘sish salohiyatini to‘liq ro‘yobga chiqarish uchun nafaqat davlatlararo darajada o‘zaro manfaatli masalalar bo‘yicha hamkorlikni rivojlantirish, balki hamkor mamlakatlar ishbilarmon doiralari o‘rtasidagi aloqalarni mustahkamlashga ko‘maklashish zarurligini ta’kidladi.
U biznes ishtirokchilarini kelishuvni amalga oshirish, jumladan, Eronning YeOIIda kuzatuvchi maqomini hisobga olgan holda hamkorlikdagi ishlarda faol bo‘lishga chaqirdi. Uning so‘zlariga ko‘ra, bu amaldagi kelishuvlarni to‘liq oshkor etish imkonini beradi.