TOShKENT, 18 yanv — Sputnik. Rossiya havo hujumidan mudofaa tizimlari bir kechada Bransk, Kursk, Kaluga, Tula, Belgorod va Voronej viloyatlarida 46 ta Ukraina dronlarini tutib oldi va yo‘q qildi. Bu haqda Rossiya Mudofaa vazirligi xabar berdi.
“O‘tgan tun mobaynida navbatchi havo hujumidan mudofaa tizimlari Ukrainaning 46 ta uchuvchisiz uchish apparatini tutib oldi va yo‘q qildi”, — deyiladi xabarda.
Harbiy idoraning aniqlik kiritishicha:
Bransk viloyatida 18 ta;
Kursk viloyatida 11 ta;
Kaluga viloyatida 7 ta;
Tula viloyatida 5 ta;
Belgorod viloyatida 3 ta;
Voronej viloyatida 2 ta dron yo‘q qilindi.
Tula gubernatori Dmitriy Milyayevga ko‘ra, dron hujumidan so‘ng hududda yoqilg‘i-moylash materiallari solingan konteyner yonib ketgan, qurbonlar yo‘q. Kaluga viloyati rahbari Vladislav Shapshaning ma’lum qilishicha, urib tushirilgan dron noturarjoy binosiga qulagan, natijada yong‘in chiqqan. Qurbonlar yo‘q.
Ukraina harbiylari deyarli har kuni dronlar yordamida Rossiyaning chegara va markaziy hududlaridagi obyektlarga hujum qilishga harakat qiladi.
