TOShKENT, 3 dek — Sputnik. Yevroosiyo iqtisodiy ittifoqida (YeOII) birja operatsiyalari uchun yagona maydon yaratilmoqda. Yevroosiyo iqtisodiy komissiyasi (YeIK) kengashi tegishli bitim loyihasini tasdiqladi, deya xabar berdi komissiya matbuot xizmati.
YeIK kengashi YeOII mamlakatlariga brokerlar va dilerlarni “beshlik”ning boshqa mamlakatlarida birja savdolarida ishtirok etishiga ruxsat berish to‘g‘risidagi bitim loyihasini yubordi.
Bitim birja operatsiyalari uchun yagona maydonni yaratishni nazarda tutadi. Shuningdek, brokerlar va dilerlar kelib chiqish mamlakatlari vakolatli organlari tomonidan berilgan litsenziyalar asosida faoliyat yuritishlari mumkin bo‘ladi.
Hujjat investorlar uchun imkoniyatlarni sezilarli darajada kengaytiradi, YeOII birja maydonlarida sotiladigan moliyaviy vositalarning likvidligi va jozibadorligini oshiradi.
Bugungi kelishuv ilgari qabul qilingan qimmatli qog‘ozlarni qabul qilish va muomalaga kiritish to‘g‘risidagi bitim bilan birgalikda YeOII doirasida umumiy moliya bozori va ayirboshlash makonini yaratishga qaratilgan.