"Qonunchilik palatasiga saylovda yagona saylov okrugi bo‘yicha ovoz berishda ishtirok etgan saylovchilarning kamida 7 foiz ovozini olgan siyosiy partiya belgilangan tartibda mandatga ega bo‘ladi. Dastlabki ma’lumotlarga ko‘ra, yagona saylov okrugi bo‘yicha Oliy Majlis Qonunchilik palatasiga O‘zLiDeP 5 mln 194 41 ta yoki 34,75% ovoz to‘pladi. Va taqsimotga ko‘ra 26 ta deputatlik o‘rniga ega bo‘ldi", — dedi MSK raisi.
"O‘zbekiston “Milliy tiklanish” partiyasi 2 mln 812 493 ovoz to‘pladi va 14 ta deputatlik o‘rniga ega bo‘ldi. O‘zbekiston Ekologik partiyasi 1 mln 960 ming 764 ta ovoz to‘pladi va 10 ta deputatlik o‘rniga ega bo‘ldi. O‘zbekiston Xalq demokratik partiyasi 2 mln 558 ming 16 ta ovoz to‘pladi va 13 ta deputatlik o‘rniga ega bo‘ldi. “Adolat” sotsial-demokratik partiyasi 2 mln 420 ming 850 ta ovoz to‘pladi va 12 ta deputatlik o‘rniga ega bo‘ldi", — deya aniqlik kiritdi Nizomxo‘jayev.
"Bir mandatli saylov okruglari bo‘yicha Qonunchilik palatasiga saylangan 75 nafar deputatlar tarkibining partiyaviylik mansubligi bo‘yicha O‘zLiDeP – 38 nafar, “Milliy tiklanish” demokratik partiyasi – 15 nafar, Xalq demokratik partiyasi – 7 ta nafar, “Adolat” sotsial-demokratik partiyasi – 9 ta nafar, Ekologik partiya – 6 nafar deputat etib saylandi", — dedi MSK raisi.
“Aralash saylov tizimi sinovdan muvaffaqiyatli o‘tdi. Aralash saylov tizimining joriy etilishi siyosiy partiyalar o‘rtasidagi raqobatni kuchaytirib, jamiyatimizdagi demokratik muhitga yangi quvvat bag‘ishlagani, saylovoldi tashviqoti davomida yaqqol namoyon bo‘ldi”, — dedi Nizomxo‘jayev.