TOShKENT, 28 okt — Sputnik. O‘zbekiston terma jamoasi a’zosi Shohrux Davlatov Ispaniyada o‘tkazilgan marafonda mamlakat rekordini yangiladi. Bu haqda Milliy olimpiya qo‘mitasi xabar berdi.
Ispaniyada “Medio Maratón Valencia Trinidad Alfonso Zurich” xalqaro yarim marafoni o‘tkazildi. Unda O‘zbekiston terma jamoasi a’zosi Shohrux Davlatov ishtirok etib, mamlakat rekordini yangiladi.
“Shohrux Davlatov 21 km dan ziyodroq masofani 1:01.48 soatda bosib o‘tib, mamlakat rekordini yangiladi. Bu avvalgi rekorddan 1 daqiqa, 45 soniyaga yaxshiroq ko‘rsatkich bo‘ldi. Yakunda ushbu natija bilan Davlatov yigirma to‘rtinchi bo‘lib marraga yetib keldi”, — deyiladi xabarda.
Bu yilgi yarim marafonda 120 mamlakatdan 25 000 nafar ishtirokchi startga chiqdi.