TOShKENT, 15 okt — Sputnik. O‘zbekistonda parlament saylovlarida onlayn ovoz berish mumkin, biroq Toshkentdagi ayrim saylov uchastkalaridagina. Bu haqda Sputnik O‘zbekiston muxbiriga Markaziy saylov komissiyasi matbuot xizmati ma’lum qildi.
Xususan, poytaxtdagi 16-raqamdan 25-raqamgacha bo‘lgan saylov uchastkalarida elektron ovoz berish imkoniyati yaratiladi. Shu bilan birga, saylovchilar ham elektron, ham saylov bulletenlari orqali ovoz berishlari mumkin.
Eslatib o‘tamiz, O‘zbekistonda parlament saylovlari 2024-yil 27-oktabr kuni bo‘lib o‘tadi. Muddatidan oldin ovoz berish 16-23 oktabr kunlari o‘tkazildai. Bir mandatli saylov okruglari bo‘yicha Qonunchilik palatasi deputatligiga siyosiy partiyalardan jami 375 nafar, yagona saylov okrugi bo‘yicha 500 nafar nomzod ro‘yxatga olindi.