TOShKENT, 3 okt — Sputnik. Rossiya Favqulodda vaziyatlar vazirligi samolyoti Bayrut xalqaro aeroportiga gumanitar yordam yetkazdi, deb xabar berdi RIA Novosti.
“Il-76"ga ortilgan oziq-ovqat, dori-darmon, chodirlar va elektr generatorlari kabi insonparvarlik yuklari Livan tomoniga o‘tkaziladi. Samolyotni Rossiyaning Livandagi elchisi Aleksandr Rudakov va Livan atrof-muhit vaziri Naser Yasin kutib oldi”, — deyiladi xabarda.
Rossiya Favqulodda vaziyatlar vazirligining xabar berishicha, gumanitar operatsiya Rossiya Federatsiyasi prezidentining topshirig‘iga muvofiq va Rossiya Favqulodda vaziyatlar vazirligi rahbari topshirig‘iga binoan amalga oshirilgan.
“Il-76 maxsus samolyoti umumiy og‘irligi 33 tonna bo‘lgan, jumladan, oziq-ovqat, asosiy ehtiyojlar, dori-darmon va ko‘chma elektr stansiyalarini o‘z ichiga olgan insonparvarlik yukini yetkazib berdi”, — deyiladi xabarda.
Eslatib o‘tamiz, kecha Rossiya tomoni Livanning Moskvadagi elchixonasini Favqulodda vaziyatlar vazirligi samolyotini Livanga gumanitar yordam yuki bilan jo‘natish rejalari haqida xabardor qilgani ma’lum qilingan edi. Moskvadagi elchi Shauki Bu Nassar Rossiya tomoniga ko‘rsatgan yordami uchun katta minnatdorchilik bildirib, Livan hozirda bunday yordamga muhtoj ekanini ta’kidladi.