TOShKENT, 29 sen — Sputnik. G‘arb davlatlari "tormozni yoqishmaydi", lekin Ukraina mojarosida Kiyevning g‘alabasini ta’minlashga harakat qilishda davom etish niyatida ekanliklarini e’lon qilishmoqda. Bu haqda Rossiya prezidentining matbuot kotibi Dmitriy Peskov jurnalist Pavel Zarubinga ma’lum qildi.
"Biz G‘arb davlatlarining ishtiroki darajasi doimiy ravishda oshib borishini ko‘rmoqdamiz, ular hech qanday tormozni yoqishmaydi, aksincha, ular Ukrainaning g‘alabasini ta’minlash uchun bundan buyon ham davom etish niyatlarini e’lon qilishmoqda", — dedi Peskov, Ukraina mojarosida G‘arb davlatlarining ishtirokini sharhlar ekan.
Avvalroq Vladimir Putin ma’lum qilganidek, Rossiya tajovuz sodir bo‘lgan taqdirda, jumladan, agar dushman oddiy qurollardan foydalangan holda suverenitetga jiddiy tahdid solsa, yadro qurolidan foydalanish huquqini o‘zida saqlab qoladi. Shuningdek, uning so‘zlariga ko‘ra, Rossiya Belarusga tajovuz sodir bo‘lgan taqdirda ham yadro qurolidan foydalanish huquqini o‘zida saqlab qoladi.