TOShKENT, 23 avg — Sputnik. Olti oy davomida Ukraina Qurolli kuchlari yetkazib berilgan 31 ta Amerikaning "Abrams" tankidan taxminan 20 tasini yo‘qotdi, deb yozadi “Military Watch Magazine” nashri.
“Yaqinda bittasining yo‘q qilinishi bilan Ukrainada yo‘qolgan "M1A1 Abrams" tanklarining umumiy soni yetkazib berilgan 31 ta tankdan taxminan 20 tasini tashkil etdi, barcha yo‘qotishlar so‘nggi olti oy ichida sodir bo‘ldi”, — deyiladi materialda.
Jurnalistlarning ta’kidlashicha, Yevropa ittifoqchilari o‘z modellarining yo‘q qilinganlarini to‘ldirishga tayyor bo‘lsa-da, AQSh hali yangi "Abrams" tanklarini yetkazib berish rejalarini e’lon qilmagan.
Bir kun avval “Axmat” maxsus kuchlari qo‘mondoni, Rossiya Mudofaa vazirligi harbiy-siyosiy bosh boshqarmasi boshlig‘i o‘rinbosari Apti Alaudinov Kursk viloyatida rossiyalik harbiy xizmatchilar tomonidan yana bir Amerika tankiga zarar yetgani haqida xabar bergan edi.