TOShKENT, 24-iyul — Sputnik. Yevroosiyo iqtisodiy ittifoqi (YeOII) uchinchi davlatlarga nisbatan ma’lum mahsulot talablari va majburiyatlariga ega, ulardan biri O‘zbekistondir. Bu haqda Sputnik O‘zbekiston matbuot markazida bo‘lib o‘tgan Qirg‘iziston prezidenti Sadir Japarovning O‘zbekistonga davlat tashrifi yakunlariga bag‘ishlangan videoko‘prikda iqtisodchi Nurgul Akimova ma’lum qildi.
Uning qayd etishicha, Qirg‘iziston ittifoq a’zosi bo‘lganligi sababli hamkorlik va qo‘shma loyihalar o‘zbek ishbilarmonlari uchun YeOII bozoriga kirishdagi to‘siqlarni kamaytiradi.
Masalan, “Yevroosiyo agroekspress” loyihasi doirasida O‘zbekiston ishbilarmonlari nafaqat 7 millionlik Qirg‘iziston, balki Ittifoq davlatlarining 180 millionlik bozoriga ham kirishga umid qilishlari mumkin. Chunki YeOII soliqlar va bojxona to‘lovlari bo‘yicha yagona iqtisodiy hududga ega.
“O‘zbekistonlik tadbirkorlar YeOII bozoriga kirib kelayotganini yaqinda Bishkek yaqinida ochilgan avtomobillarni yig‘ish zavodini misol qilib keltirish mumkin”, — deya qayd etdi u.
Uning qo‘shimcha qilishicha, Qirg‘iziston ittifoq a’zosi sifatida boj to‘lamaydi.