TOShKENT, 18-iyul — Sputnik. O‘zbekiston prezidentining yordamchisi Saida Mirziyoyeva kecha, 17-iyul kuni, Qatarning O‘zbekistondagi elchisi Hasan Hamza Hoshim bilan uchrashdi. Bu haqda Mirziyoyeva Telegram-kanalida xabar berdi.
“Muloqot davomida mamlakatlarimiz o‘rtasidagi hamkorlikni yanada kengaytirish, jumladan, ta’lim va madaniyat sohalarida qo‘shma loyihalarni amalga oshirish istiqbollarini muhokama qildik”, - deb yozadi Mirziyoyeva.
Ta’kidlanishicha, muloqotda, xususan, afg‘onistonlik qizlarni Termiz shahrida o‘qitish loyihasi, shuningdek, O‘zbekiston talabalari uchun Qatarning yetakchi universitetlarida tahsil olish bo‘yicha grant o‘rinlarini ko‘paytirish masalalariga alohida e’tibor qaratildi.
