TOShKENT, 14-iyul — Sputnik. Grozniyda Checheniston va O‘zbekiston vakillarining uchrashuvi bo‘lib o‘tdi, deya xabar berdi mamlakatning mahalliy telekanali.
Tomonlar ikki tomonlama munosabatlarning istiqbollarini muhokama qilishdi. Xususan, Grozniyda O‘zbekiston savdo uyining ochilishiga alohida e’tibor qaratildi.
“Checheniston Respublikasi hukumati raisi o‘rinbosari – Checheniston Respublikasi iqtisodiy va hududiy rivojlanish vaziri Rustam Shaptukayevning aytishicha, yaqin kelajakda Grozniy meriyasi savdo uyi joylashishi mumkin bo‘lgan joylarni aniqlaydi”, — deyiladi xabarda.
O‘zbekistonning Rossiyadagi elchisi Botirjon Asadov o‘z so‘zida Checheniston vakillariga minnatdorlik bildirdi.