TOShKENT, 26-iyun — Sputnik. Yevroosiyo iqtisodiy komissiyasi (YeIK) hay’ati 2027-yilgacha quritilgan kokos yong‘og‘i uchun import bojxona to‘lovini nolga tushirdi, deb xabar berdi komissiya matbuot xizmati.
“Yevroosiyo iqtisodiy komissiyasi hay’ati 2027-yil 31-iyulgacha bo‘lgan davrda quritilgan kokos uchun import bojxona to‘lovlarini nolga tushirishga qaror qildi”, — deyiladi xabarda.
Hozirgi vaqtda Yevroosiyo iqtisodiy ittifoqi (YeOII) yagona bojxona tarifining kokos kukunlari uchun joriy import bojxona boji stavkasi 3 foizni tashkil etadi.
Qaror rasmiy e’lon qilingan kundan boshlab 30 kalendar kun o‘tgandan keyin kuchga kiradi.
YeIK savdo vaziri Andrey Slepnyovning so‘zlariga ko‘ra, ushbu chora tannarxni kamaytirish, shuningdek, Yevroosiyo iqtisodiy ittifoqi davlatlaridan qandolat mahsulotlari eksportini rivojlantirish va uning tashqi bozorlarda raqobatbardoshligini oshirishga qaratilgan.
U, shuningdek, tabiiy-iqlim sharoitlari tufayli, kokos palmalari YeOII hududida o‘smasligini, shuning uchun kokos kukunlariga bo‘lgan ehtiyoj to‘liq import yetkazib berish hisobiga qoplanishini eslatdi.