TOShKENT, 24-iyun — Sputnik. O‘zbekiston prezidenti Shavkat Mirziyoyev Darband va Maxachqala shaharlarida (Dog‘iston) sodir etilgan terrorchilik harakatlari munosabati bilan Rossiya prezidenti Vladimir Putinga chuqur hamdardlik bildirdi. Bu haqda davlat rahbari matbuot kotibi Sherzod Asadov xabar berdi.
“O‘zbekiston Respublikasi Prezidenti Shavkat Mirziyoyev Darband va Maxachqala shaharlarida sodir etilgan terrorchilik harakatlari oqibatida ko‘plab huquqni muhofaza qilish idoralari xodimlari va fuqarolar qurbon bo‘lgani munosabati bilan Rossiya Federatsiyasi Prezidenti Vladimir Putinga maktub yo‘llab, chuqur hamdardlik bildirdi”, — deb yozadi Sherzod Asadov.
O‘zbekiston yetakchisi Dog‘istondagi terrorchilik hujumlarini qat’iy qoraladi. Ushbu tahdidlarga qarshi kurashda tegishli tuzilmalarning faol hamkorligini davom ettirishga tayyorligini bildirdi.
Ma’lumot uchun, kecha tunda Darbandda noma’lum shaxslar Maxachqaladagi sinagog va cherkovga o‘q uzdi, patrul posti o‘qqa tutildi. Teraktlarda 15 nafar politsiyachi va bir qancha tinch aholi qurbon bo‘ldi. Rossiya maxsus kuchlari 6 nafar terrorchini yo‘q qilgan. Terrorchilik bo‘yicha jinoiy ishlar ochilgan. Dog‘istonda uch kunlik motam e’lon qilindi.